भातातील खोड किडीची अळी सुरूवातीस काही काळ कोवळया पानांवर आपली उपजीविका करते. नंतर ती खाली येऊन खोडास छिद्र पाडून आत प्रवेश करते व आतील भाग पोखरून टाकते. यामुळे मधला पोंगा लालसर पिवळा पडून वरून खाली सुकत येतो व गाभा मर ची समस्या येते. सुकलेला पोंगा हाताने ओढला असता सहजासहजी निघून येतो. लोम्बी अवस्थेत किडीचा प्रादुर्भाव झाल्यास दाणे न भरलेल्या पांढ-या लोम्ब्या बाहेर पडतात. यावर उपाययोजना म्हणून फ्लूबेन्डीयामाईड २० % घटक असलेले टाकूमी @ ०.२५ ग्रॅम प्रति लिटर पाणी याप्रमाणे घेऊन पिकात फवारणी करावी.