प्रत्येक तंत्रज्ञान वापरताना योग्य रीतीने न वापरल्यास त्याचे काही तोटे होऊ शकतात म्हणून प्रक्रिया केलेला चारा व मुरघास खाऊ घालताना खालील प्रमाणे काळजी घ्यावी. १. प्रक्रिया केलेला चारा व मुरघास अचानक न देता रोजच्या चाऱ्यात मिसळून हळूहळू प्रमाण वाढवावे. ते ५ ते ७ दिवसांनी पूर्ण प्रमाणात घालण्यास सुरवात करावी. २. बुरशी किंवा रंग काळपट झाला असल्यास जनावरांना खाऊ घालू नये. ३. मुरघास एकदा उघडल्यावर तो संपेपर्यंत त्यातील कमीत कमी अर्धा ते एक फुट वरचा थर रोज खाऊ घालावाच. ४. युरिया प्रक्रिया केलेला चारा खाऊ घालण्यापूर्वी थोडावेळ पसरवून ठेवून त्यातील अमोनियाचा वास जाऊ द्यावा.