गुरु ज्ञानAgrostar
पिकातील लाल व पिवळा कोळी किड!
➡️ कोरडे हवामान हे कोळीच्या वाढीसाठी पोषक असते. त्यामुळे वातावरणात 60 टक्क्यांपेक्षा कमी आद्रता असल्यास याचा प्रादुर्भाव जास्त होतो.पावसाळा संपल्यानंतर कोळी कीड नियंत्रित ठेवणे अवघड जाते.
➡️लक्षणे:
हि कीड नवीन पानांमधील तसेच नवीन वाढणाऱ्या शेंड्यामधील रस शोषून घेते. त्यामुळे झाडाची पाने खालच्या बाजूने झुकून चुरगळली जातात व पानांना उलट्या होडीचा आकार येतो.
झाडाची व फळांची वाढ खुंटली जाते तसेच फुलगळ होते व फळांच्या देठावर पानांवर लालसर
तपकिरी रंगाचे डाग पडतात व नंतर गळ होते.
कोळी ही कीड झाडावर जाळे तयार करते. त्यामुळे जोपर्यंत कोळीचे जाळे नष्ट होत नाही तोपर्यंत ही नियंत्रित होत नाही.
➡️लाल कोळीचा प्रादुर्भाव होणारी पिके:
मिरची, वांगी, भेंडी, टोमॅटो, गुलाब, वेलवर्गीय पिके, कापूस, द्राक्षे, नारळ, डाळिंब, लिंबूवर्गीय
फळपीक तसेच फुल व फळ पिकांमध्ये याचा प्रादुर्भाव होतो.
➡️नियंत्रण:
लाल कोळी साठी कीटकनाशकाची फवारणी करताना जास्तीत जास्त पाण्याचा वापर करावा. जेणेकरून किडीचे जाळे धुवून निघेल व कीड नियंत्रित होईल.
पिकास अतिरिक्त नत्र देवू नये.
वेळेवर आंतरमशागत करून पीक तणविरहित ठेवावे.
➡️कोळी नियंत्रणासाठी साठी वापरली रसायने:
सल्फर 80 WP @ 2 ग्रॅम प्रति लिटर, स्पायरोमेसीफेन 22.9 % एससी @ 1 मिली प्रति लिटर,
प्रॉपरगाईट 57 % ईसी @ 2 मिली प्रति लिटर यांसारख्या औषधांचा वापर करावा.
➡️संदर्भ: Agrostar
हि उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.