पिकांच्या वाढीसाठी चांगल्या प्रतीच्या पाण्याची गरज असते. सिंचनाच्या पाण्यात क्षारांचे प्रमाण जास्त असल्यास पिकांची वाढ चांगली होत नाही.पाण्याचे परीक्षण करून योग्यतेनुसार पाण्याचा सिंचनासाठी वापर करणे फायद्याचे ठरते. पाणी खारवट असल्यास व त्याचा सिंचनासाठी वापर केलेल्या शेतातील जमिनीच्या पृष्ठभागावर क्षारांचा पांढरा थर दिसून आल्यास पिक उगवणीस अडथळा दिसून आल्यास पिक उगवणीस अडथळा दिसून आल्यास किंवा उगवलेल्या पिकांचे शेंडे करपताना दिसून आल्यास जमीन चिबड होऊन पाणी पृष्ठभागावर थांबत असल्यास आणि जमिनीवर चालताना जमीन टणक झाल्याचे जाणवत असल्यास सिंचनाच्या पाण्याची तपासणी करून घ्यावी. अशा परिस्थितीत क्षारांचे प्रमाण जास्त असल्यास पिके पाणी आणि अन्नद्रव्याचे शोषण करू शकत नाही त्यामुळे पिकांवर दुष्परिणाम दिसून येतात.