• जन्मलेल्या वासराला स्वच्छ कपड्याने किंवा गोणपाटाने पुसून त्याचे वजन करून घ्यावे. तोंडातील व नाकातील घाण हलक्या हाताने काढून टाकावी. • कानात हळूवार फुंकर मारावी. वासराची नाळ शरीरापासून २ ते ३ सेंमी अंतरावर स्वच्छ ब्लेडने कापून दोऱ्याने बांधावी. दोऱ्याने बांधलेल्या भागापासून १ सें.मी. अंतर ठेवावे. नाळेमध्ये जंतूसंसर्ग होऊ नये म्हणून त्यावर आयोडिन लावावे. • वासराला अर्ध्या तासाच्या आत आईचा चीक पाजावा. • वासरांना ओळखणे सोपे जावे यासाठी त्यांना वयाच्या एका आठवड्याच्या आत कानामध्ये टॅग लावावे. • नवीन जन्मलेल्या वासराला पहिल्या आठवड्यात जंतनाशकाची मात्रा द्यावी आणि त्यानंतर २० दिवसांच्या अंतराने ६ महिन्यांकरिता द्यावी. • वासरांचे लाळ्या-खुरकत, घटसर्प, फऱ्या या रोगांवर तज्ञांच्या सल्ल्याने प्रतिबंधात्मक लसीकरण करून घ्यावे. • वासरांना स्वच्छ आणि हवेशीर गोठ्यात बांधावे. संदर्भ - अग्रोवन २१-सप्टे-१७