सध्याच्या परिस्थितीमध्ये सर्व पिकामध्ये एक महत्वाची समस्या म्हणजे सूत्रकृमी आहे. सतत ओलावा असलेल्या पिकांच्या मुळांवर सूत्रकृमींचा प्रादुर्भाव सर्व भागात वाढत असल्याचे आढळून येत आहे. सूत्रकृमी सूक्ष्म आकाराची असते व ती पिकाच्या लहान मुळांच्या अंर्तभागात राहून मुळातील अन्नरस शोषून घेते. त्यामुळे मुळांवर गाठी निर्माण होऊन मुळांच्या पाणी आणि अन्नशोषणाच्या क्रियेवर परिणाम होतो. झाडांची वाढ खुंटते व पाने पिवळी पडतात. शिवाय सूत्रकृमीने इजा केल्यामुळे अन्य बुरशीजन्य रोगांचा प्रादुर्भाव होण्याची शक्यता असते. त्यामुळे झाडे वाळतात आणि मर रोगाची लक्षणे दिसतात. सूत्रकृमी नियंत्रणासाठी खालील जैविक व्यवस्थापन करावे. • नवीन बाग लागवड करताना, पीक लागवडीपूर्वी जमीन ऊन्हामध्ये तापू द्यावी, त्यामुळे जमिनीतील सूत्रकृमीचे नियंत्रण होण्यास मदत होते. • डाळिंबामध्ये टोमॅटो, वांगी, मिरची, भेंडी, काकडी इ. आंतरपिके घेऊ नये. • पीक लागवडीनंतर, पिकाच्या चोहोबाजूने गावठी झेंडूची लागवड करावी. • निंबोळी पेंड प्रति झाड २ ते ३ किलो याप्रमाणे खोडाभोवती जमिनीत खोलवर मिसळावी. • शेणखतासोबत ट्रायकोडर्माप्लस जमिनीतून द्यावे. सातत्याने याचा उपाय करणे गरजेचे आहे. • पॅसिलोमायसिस लिलॅसिनस @ २ ते ४ किलो प्रति एकर ठिबकद्वारे द्यावे. संदर्भ - अॅग्रोस्टार ऍग्रोनॉमि सेंटर ऑफ एक्ससिल्लेन्स