डाळिंब पिकातील फळ पोखरणारी अळी 'डाळिंब पतंग' म्हणून देखील ओळखली जाते. हे पतंग पिकामध्ये फुल, कळी किंवा फळांवर अंडी देतात. या अंड्यातून उबणाऱ्या अळ्या फळावर छिद्र करतात आणि आत प्रवेश करतात व आतील भाग खातात. अळीद्वारे तयार झालेल्या छिद्रातून बुरशी व जीवाणू फळांमध्ये प्रवेश करतात त्यामुळे फळे सडतात. प्रादुर्भावग्रस्त फळांमधून फळ सडल्याचा दुर्गंधीत वास येतो. याकारणास्तव फळांची गुणवत्ता खराब होते तसेच फळ गळ समस्यांमुळे उत्पादनावर अधिक परिणाम होतो. डाळिंबाव्यतिरिक्त, ही कीटक आवळा, लिची, सफरचंद, बोर, पेरू आणि चिकू या पिकामध्ये देखील नुकसान करते._x000D_ _x000D_ एकात्मिक कीड व्यवस्थापन:-_x000D_ • नवीन लागवड असल्यास प्रथम ढोलका, काश्मिरी लोकल, बेदाना इत्यादी कमी संवेदनशील वाणांना प्राधान्य द्यावे._x000D_ • नियमित तणांचे नियंत्रण करून बाग स्वच्छ ठेवावी._x000D_ • प्रकाश सापळे लावावेत._x000D_ • प्रादुर्भावग्रस्त फळे गोळा करून नष्ट करावीत. _x000D_ • जेव्हा फळे लिंबाच्या आकाराची असतील म्हणजेच साधारणतः फळधारणेनंतर ३०- ५० दिवसांच्या दरम्यान पेपर किंवा शंकू आकाराची पेपर टोपी किंवा कागदी पिशव्या यांचे फळांना आवरण देऊन या किडीपासून नुकसान कमी केले जाऊ शकते._x000D_ • अंड्यावरील परजीवी ट्रायकोग्रामा एसपी प्रति एकरी २ ते ३ वेळा @ १ लाख द्यावे._x000D_ • पिकामध्ये फळ पोखरणाऱ्या अळीचा प्रादुर्भाव दिसून येताच निंबोळी आधारित पावडर (५%) @५०० ग्रॅम प्रति एकर किंवा निम आधारित कीटकनाशके @१० मिली (१% ईसी) किंवा @४० मिली (०.१५% ईसी) प्रति १० लिटर पाण्यात मिसळून फवारणी करावी. _x000D_ • बॅसिलस थुरिंजेनेसिस हि जिवाणूजन्य पावडर @१५ ग्रॅम प्रति १० लिटर पाण्यात मिसळून फवारणी करावी. _x000D_ • प्रादुर्भाव वाढण्यापूर्वी, शिफारस केलेल्या कीटकनाशकांची फवारणी करावी. डॉ. टी.एम. भरपोडा, माजी प्राध्यापक, कीटकशास्त्र, बी.ए. कृषी विद्यालय, आणंद कृषी विद्यापीठ, आणंद 388 110 (गुजरात भारत) जर आपल्याला ही माहिती उपयुक्त वाटली, तर फोटोखाली दिलेल्या पिवळया अंगठयाच्या चिन्हावर क्लिक करा आणि खाली दिलेल्या पर्यायच्या माध्यमातून आपल्या सर्व शेतकरी मित्रांसोबत शेयर करा!