AgroStar
सर्व पिके
कृषी ज्ञान
कृषी चर्चा
एग्री दुकान
खोडवा ऊसामधील पाचट कुजविण्यासाठी
सल्लागार लेखअॅग्रोस्टार अॅग्रोनॉमी सेंटर ऑफ एक्सीलेंस
खोडवा ऊसामधील पाचट कुजविण्यासाठी
 कुजलेल्या ऊसाच्या पाचटात सेंद्रिय कर्ब २८ ते ३०% तसेच नत्र ०.५, स्फुरद ०.२ % व पालाश ०.७% असून एकरी सरासरी ३ ते ६ टन पाचट असते.  या कारणाने ऊसतोडणीच्या वेळी पाचट ओळीत न लावता अथवा जाळून न टाकता ते जागच्या जागी ठेवावे, तसेच शेतात एखाद्या ठिकाणी पाचटाचा ढीग राहिल्यास तो पसरून द्यावा. त्यानंतर ऊसाच्या बुडख्यावर असलेले पाचट बाजूला करून ऊसाचे बुडखे मोकळे करावेत.  ऊसाचे बुडखे मोठे राहिल्यास ते जमिनीलगत धारदार कोयत्याने छाटून घ्यावेत. त्यामुळे जमिनीखालील कोंब फुटण्यास वाव मिळतो व फुटव्यांची एकूण संख्या वाढते.
 बुडख्यांच्या छाटणीनंतर लगेच कार्बेनडॅन्झिम १२% + मॅंकोझेब ६३% WP घटक असलेले बुरशीनाशक @ २.५ ग्रॅम व क्लोरोपायरीफॉस ५०% + सायपरमेथ्रीन ५% ईसी @ २ मिली प्रति लिटर पाण्यात मिसळून फवारणी करावी. त्यामुळे मातीतून होणाऱ्या बुरशीजन्य रोगांचा व किडींचा प्रतिबंध होतो.  त्यानंतर जैविक स्लरी (स्लरी तयार करण्यासाठी साठी गोमूत्र, शेणखत, गूळ, बेसन पीठ व ताक २०० लिटर पाण्यात मिक्स करून २ ते ३ दिवस भिजवून ठेवावे) करून त्यामध्ये पाचट कुजविणारे जिवाणू @ १ किलो मिक्स करून जमिनीतून द्यावे (साधारण १ टन पाचट कुजण्यासाठी).  वरील तयार केलेली स्लरी सडा शिंपडतो तशा रीतीने संपूर्ण शेतावर शक्यतो सायंकाळी शिंपडावी.  त्यानंतर ऊसाला पाणी द्यावे व पुढील १ महिना ओल नियमित राहील याची काळजी घ्यावी. जमीन ओली असताना सरीतील पाचट पायाने थोडे दाबून द्यावे त्यामुळे पाचटाचा मातीशी संबंध येऊन ते हळूहळू कुजण्याची क्रिया सुरू होते. संदर्भ – अॅग्रोस्टार अॅग्रोनॉमी सेंटर ऑफ एक्सिलेंस जर आपल्याला ही माहिती उपयुक्त वाटली, तर फोटोखाली दिलेल्या पिवळया अंगठयाच्या चिन्हावर क्लिक करा आणि खाली दिलेल्या पर्यायच्या माध्यमातून आपल्या सर्व शेतकरी मित्रांसोबत शेयर करा!
432
3
इतर लेख