खरीप हंगामात अतिरिक्त पावसामुळे भुईमूग पिकाचे नुकसान होऊ नये यासाठी पेरणी ही रुंद गादीवाफ्यावर करावी, यामुळे अतिरिक्त पाणी सरी मध्ये राहून पिकाची मुळी जादा पाण्यात रहात नाही. रुंद गादीवाफ्यावर पेरणी साठी ३०*१५ सेंमी अंतर राखावे. तसेच पेरणी साठी एकरी ३५ ते ४० किलो बियाणे वापरावे. सुरुवातीच्या काळात पिकाच्या जोमदार वाढीसाठी आणि शेंगांच्या गुणवत्तेसाठी जमिनीतून एकरी १०० किलो डीएपी आणि ३ किलो गंधक द्यावे.