काकडीवर्गीय पिकात मोसॅक हा विषाणूजन्य रोग आढळून येतो. याच्या प्रादुर्भावामुळे पानांवर तसेच फळांवर गडद हिरव्या आणि फिक्कट हिरव्या रंगाचे चट्टे आढळून येतात तसेच झाडाची वाढ खुंटणे, फुलधारणा न होणे, फळांची गुणवत्ता खालावणे अश्या समस्या येतात. हा विषाणूजन्य रोग पिकात आल्यावर तो नियंत्रणात येत नाही मात्र हा रोग मावा ह्या किडीमुळे पसरला जातो. त्यामुळे पीक लागवड केल्यावर सुरुवातीला पिकात पिवळे व निळ्या चिकट सापळ्यांचा वापर कीड नियंत्रणासाठी करावा.तसेच किडीचा जास्त प्रादुर्भाव आढळून आल्यास इमिडाक्लोप्रिड 70 % डब्लूजी घटक असलेले कीटकनाशक @ 0.35 ग्रॅम प्रति लिटर पाणी याप्रमाणे घेऊन पिकात फवारावे.