👉 आल्याची रुंद वरंबा (गादी वाफा) पद्धतीने लागवड असल्यास ठिबक सिंचनाचा उपयोग करावा. 👉 जमिनीतील ओलाव्यानुसार ठिबक संच चालू ठेवावा. सतत पाणी सोडू नये. 👉 सतत ओलावा राहिल्यास कंद कुजतात. त्यामुळे कंदकुज रोगाचा प्रादुर्भाव होते. 👉 पावसाळ्यानंतर हिवाळ्यामध्ये पाण्याच्या दोन पाळ्यातील अंतर १२ ते १५ दिवस ठेवावे. 👉 आठ महिने होईपर्यंत जमिनीच्या मगदुराप्रमाणे आले पिकास पाणी देत रहावे. 👉 कंद पोसण्याच्या कालावधीमध्ये आल्याला पाण्याची गरज मर्यादित असते. 👉 आले काढावयाचे असल्यास पिकास पाणी कमी करत जाऊन आठ महिने पूर्ण झाल्यानंतर पाणी पूर्णपणे बंद करावे. पाणी एकदम बंद केल्यास आल्याला परत अंकुर फुटण्याची शक्यता असते. त्यामुळे वजनात घट येते. 👉 आल्याचे कंद चांगले पोसण्यासाठी आठ महिन्यांपर्यंत ०-०-५० हे खत ठिबकमधून सुरू ठेवावे. संदर्भ:-अ‍ॅग्रोस्टार अ‍ॅग्रोनॉमी सेंटर ऑफ एक्सीलेंन्स. हि उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा.