🧅बाजारात कांद्याला वर्षभर मागणी असून कांद्याची लागवड हि सर्व हंगामात केली जाते. परंतु साठवणुकीच्या दृष्टीने रब्बी किंवा उन्हाळी कांदा महत्वाचा असतो. कांदा पिकात गुणवत्तापूर्ण उत्पादन घेण्यासाठी संतुलित खतांचे, पाण्याचे व कीड रोग व्यवस्थापन करणे गरजेचे असते. 🧅कांद्याची झाडाची मुळे जमिनीत जास्त खोलवर जात नसल्यामुळे पिकास योग्य वेळी किंवा वरचेवर खते देणे गरजेचे आहे. मुख्य अन्नद्रव्यामध्ये सुरुवातीच्या काळात पिकाच्या वाढीसाठी नत्रयुक्त खतांची गरज असते यामध्ये आपण युरिया, अमोनियम सल्फेट, 24:24:00 यांसारख्या नत्रयुक्त खतांचा वापर रोपांची लागवड केल्यानंतर पहिले 45 ते 60 दिवसांपर्यंतच करावा, उशिरा वापर केल्यास त्याचा विपरीत परिणाम कांदा उत्पादनावर होतो. म्हणजेच कांदा साठवुणकीत सडणे, कांद्याला फुले म्हणजेच डेंगळे लागणे किंवा जोडकांदा तयार होणे यांसारख्या समस्या येतात. 🧅कांदा पिकाच्या मुळीच्या आणि कंदाच्या विकासासाठी स्फुरदयुक्त खतांची आवश्यकता असते. यासाठी आपण सिंगल सुपर फॉस्फेट, 10:26:26 यांसारख्या खतांचा वापर सुरवातीलाच पहिली खतमात्रा देताना करावा. स्फुरद सोबत नत्रयुक्त खतांचा वापर करावा. जेणेकरून नत्रामुळे पिकास स्फुरद उपलब्ध होण्यास मदत होते. 🧅कांदा पिकातील तिखटपणा वाढवण्यासाठी, रंग सुधारण्यासाठी आणि कांद्याची टिकवणक्षमता सुधारण्यासाठी पिकास पालाश आणि गंधक या दुय्यम अन्नद्रव्याची गरज असते. 🧅पालाश साठी एमओपी, एसओपी,यांसारखी खते सुरुवातीला वापरावीत. गंधक साठी कोसावेट सल्फर 90 %, सेलझीक, बेनसल्फ यांसारखी खते उभ्या पिकात नत्रयुक्त खतांसोबत वापरावीत. गंधक मुळे कांद्याची गुणवत्ता तर सुधारतेच सोबतच इतर अन्नद्रव्यांची पिकास उपलब्धता करून देते. 🧅फवारणीतून सुरुवातीच्या अवस्थेत 19:19:19 विद्राव्य खत, पुढे कांदा आणि पात विकासाच्या अवस्थेत 12:61:00, 13:40:13 व कांद्याचा आकार,वजन वाढीसाठी शेवटच्या टप्प्यात 0:52:34, 0:0:50 यांसारखे विद्राव्ये खत सोबतच सूक्ष्म अन्नद्रव्ये तसेच पीक पोषकांमध्ये समुद्र शेवाळी अर्क, अमिनो आम्ल, फुलविक ऍसिड यासारख्या घटकांचा वापर करावा. 🧅कांद्याच्या पानांची संख्या वाढण्यासाठी तसेच जुनी पाने टिकवण्यासाठी बोरॉन व कॅल्शिअम या अन्नद्रव्यांची फवारणी घ्यावी जेणेकरून कांद्याला डबल पत्ती तयार होईल. कांदा पिकात अन्नद्रव्येसोबतच पाणी व्यवस्थापन करावे. सध्याच्या बदलत्या वातावरणामुळे फुलकिडे तसेच करपा रोगाचा वाढता प्रादुर्भाव टाळण्यासाठी वेळीच प्रतिबंधात्मक उपाय योजना कराव्यात. 🧅संदर्भ:- तुषार भट वरील उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.