गुरु ज्ञानतुषार भट
डाळिंब मर रोगाची लक्षणे आणि करणे!
🌱डाळिंबात सद्यस्थितीमध्ये प्रामुख्याने मर रोगाची समस्या खूप मोठ्या प्रमाणात शेतकऱ्यांना भेडसावत आहे.
🌱लक्षणे -
अचानक झाडाचा शेंड्याकडील भाग पिवळा पडण्यास सुरुवात होऊन कालांतराने संपूर्ण झाड पिवळे पडून वाळून जाते.
लागण झालेल्या फांदीवर फळे असल्यास फळेसुद्धा वाळून जातात परंतु न गळता तशीच झाडाला लटकलेली राहतात. रोगग्रस्त मुळे किंवा खोडाचा उभा छेद घेतल्यास आतील भाग तपकिरी किंवा काळसर झालेला दिसतो.
🌱मर रोग प्रादुर्भावाची कारणे :
👉🏻 अयोग्य जमीन - भारी जमिनीत डाळिंबाची लागवड केल्यास पाण्याचा निचरा होत नसल्याने अतिरिक्त ओलाव्याने
खोडकूज व मूळकूज रोगाचा प्रादुर्भाव होतो
👉🏻 अयोग्य लागवडीचे अंतर - झाडांची जास्त दाटी झाल्यास बागेत हवा खेळती राहत नाही त्यामुळे कीड रोगास अनुकूल
वातावरण निर्माण होते.
👉🏻पाणी व्यवस्थापनाचा अभाव - पाण्याचा अतिरेक वापर कारणीभूत. बऱ्याच वेळी सिंचनाकरिता वापरावयाचे ड्रीपर्स
खोडाजवळ ठेवलेले असतात त्यामुळे जमिनीलगत खोडाजवळ सतत ओलावा राहून रोगाचा प्रादुर्भाव होतो.
👉🏻 बुरशीचा प्रादुर्भाव - प्रामुख्याने फ्युजेरियम व मॅक्रोफोमीना बुरशी मुळांद्वारे व त्यावरील जखमांद्वारे झाडात प्रवेश
करते. यासोबतच ऑक्सिस्पोरिअम, रायझोक्टोनिया ह्या बुरशीसुद्धा मर रोगग्रस्त झाडांवर आढळतात. अन्न व पाणी
वाहून नेणाऱ्या झायलम उतींमध्ये बुरशीची वाढ होते. त्यामुळे झाडाचा अन्न आणि पाणी पुरवठा बंद होऊन झाडाची
पाने पिवळी पडतात पुढे शेंड्याकडून संपूर्ण झाड वाळत जाते.
👉🏻किड आणि सूत्रकृमींचा प्रादुर्भाव - खोडकिडा तसेच खोडाला छिद्रे करणारे भुंगेरे आणि मुळांवर गाठी करणाऱ्या
सूत्रकृमी यांच्या प्रादुर्भावामुळे बुरशीचा झाडाच्या मुळांमध्ये प्रवेश होतो आणि त्यामुळे झाड मरते.
🌱संदर्भ : तुषार भट
वरील उपयुक्त माहिती आवडल्यास लाईक 👍 करून आपल्या इतर शेतकरी मित्रांना जरूर शेअर करा व माहिती कशी वाटली कमेंट बॉक्समध्ये कळवा.