जैविक शेतीअॅग्रोस्टार अॅग्रोनॉमी सेंटर ऑफ एक्सीलेंस
गांडूळ खत तयार झाल्यास 'अशी' तपासणी करावी
पिकांच्या जोमदार वाढीसाठी व अधिक उत्पादनासाठी सेंद्रिय खतांचा वापर करणे फायदेशीर ठरते. रासायनिक खतांच्या मर्यादा व सेंद्रिय खतांचे फायदे लक्षात घेता, पिकास निव्वळ रासायनिक खते न देता, त्यासोबत आपल्या शेतीमध्ये तयार होणारी सेंद्रिय खते देणे ही एक काळाची गरज आहे. त्यामुळे आपण कंपोस्ट खत, गांडूळ खत आणि शेणखत यांचा पिकासाठी जास्तीत जास्त वापर करावा._x000D_ • सर्व पाचटापासून अंडाकृती लहान गोळ्या झाल्याचे दिसून येते._x000D_ • गांडूळ खताचा सामू ७ च्या दरम्यान असतो._x000D_ • गांडूळ खताचा वास हा पाणी दिल्यानंतर मातीच्या वासासारखा येतो._x000D_ • खताचा रंग गर्द काळा असतो._x000D_ • कार्बन : नायट्रोजन गुणोत्तर १५ - २०.१ असे असते. गांडूळ खतामधील अन्नद्रव्याचे प्रमाण हे गांडुळाच्या खाद्यासाठी वापरलेल्या सेंद्रिय पदार्थानुसार बदलते. गांडूळ खतामध्ये नत्र, स्फुरद व पालाश या अन्नघटकाचे प्रमाण हे शेणखतामधील अन्नद्रव्यांपेक्षा जवळपास दुप्पट असते. सर्वसाधारणपणे पाचटापासून तयार केलेल्या गांडूळ खतामध्ये नत्र १.८५ टक्के, स्फुरद ०.६५ टक्के, पालाश १.३० टक्के व सेंद्रिय कर्ब ३५ ते ४२ टक्के असते. यामध्ये सूक्ष्म अन्नद्रव्याचे प्रमाणदेखील शेणखतापेक्षा जास्त असते. त्यामुळे पाचटापासून तयार केलेले गांडूळखत हे ऊस पिकास उत्कृष्ट सेंद्रिय खत असून एक हेक्टर क्षेत्रासाठी ५ टन गांडूळ खत लागणीच्यावेळी सरीमध्ये चळी घेऊन मातीमध्ये झाकून द्यावे. _x000D_ गांडुळखताचे फायदे _x000D_ • जमिनीचा पोत सुधारतो._x000D_ • मातीच्या कणांच्या रचनेत योग्य असा बदल घडविला जातो._x000D_ • गांडूळाच्या बिळांमुळे झाडाच्या मुळांना इजा न होता उत्तम मशागत केली जाते._x000D_ • जमिनीत पाणी धरून ठेवण्याची क्षमता वाढते._x000D_ • जमिनीची धूप कमी होते._x000D_ • बाष्पीभवनाचे प्रमाण कमी होते._x000D_ • जमिनीचा सामू (पी.एच) योग्य पातळीत राखला जातो._x000D_ • गांडूळ खालच्या थरातील माती वर आणतात व तिला उत्तम प्रतिची बनवितात._x000D_ • गांडूळ खतामध्ये ह्युमसचे प्रमाण भरपूर असल्यामूळे नत्र, स्फुरद, पालाश व इतर सुक्ष्मद्रव्य झाडांना भरपूर व लगेच उपलब्ध होतात._x000D_ • जमिनीतील उपयुक्त जिवाणूंच्या संख्येत भरमसाठ वाढ होते._x000D_ • ओला कचरा व्यवस्थापन ही होते. _x000D_ संदर्भ – अॅग्रोस्टार अॅग्रोनॉमी सेंटर ऑफ एक्सिलेंस _x000D_ जर आपल्याला ही माहिती उपयुक्त वाटली, तर फोटोखाली दिलेल्या पिवळया अंगठयाच्या चिन्हावर क्लिक करा आणि खाली दिलेल्या पर्यायच्या माध्यमातून आपल्या सर्व शेतकरी मित्रांसोबत शेयर करा!_x000D_
238
3
संबंधित लेख