AgroStar Krishi Gyaan
Pune, Maharashtra
20 Jan 20, 10:00 AM
सल्लागार लेखअॅग्रोस्टार अॅग्रोनॉमी सेंटर ऑफ एक्सीलेंस
भाजीपाला पिकामध्ये अधिक फळधारणासाठी योग्य व्यवस्थापन
फळवर्गीय भाजीपाला पिकामध्ये खालील बाबींमुळे फळधारणा कमी होते. फळधारणा न होण्याची कारणे 1. अयोग्य जातीची निवड 2. लागवडीचा अयोग्य कालावधी 3. समतोल अन्नद्रव्याचा अभाव 4. सिंचनाचे अयोग्य नियोजन 5. परपरागीकरण समस्या 6. नर व मादी फुलांचे गुणोत्तर 7. पीकसंजीवकांचा अभाव 8. योग्य अवस्थेमध्ये काढणी न करणे 9. अयोग्य कीड व रोग नियंत्रण
उपाययोजना- • हंगाम व कालावधीनुसार योग्य जातींची निवड करावी. • मातीपरीक्षणानुसार आणि पीक वाढीच्या अवस्थेनुसार पिकास मुख्य व सूक्ष्मअन्नद्रव्यांचा योग्य वेळी, योग्य प्रमाणात वापर करावा. • पीक अवस्थेनुसार योग्य प्रमाणात पाणीपुरवठा करावा. ठिबक सिंचन पद्धतीचा वापर केल्यास फायदेशीर. • परपरागीकरणासाठी मधमाशा, फुलपाखरे मदत करतात त्यामुळे भाजीपाला उत्पादन क्षेत्रात किंवा जवळपास मधमाशी पालन करावे. • पीक फुलोरा अवस्थेत आल्यानंतर कीडनाशकांचा वापर टाळावा. शक्यतो, जैविक कीडनाशकांचा वापर करावा. • पीक २ व ४ पानांच्या अवस्थेत असताना अल्फा नॅपथ्यालीक ऍसिटिक अ‍ॅसीड यांसारख्या संजीवकांचा वापर फवारणीसाठी केल्यास मादी फुलांची संख्या वाढते. • भाजीपाला पिकांमध्ये फुलधारणेस सुरेवात झाल्यानंतर शिफारशीत वाढ रोधकाची फवारणी केल्यास फायदा होतो. • वेळीच योग्य पद्धतीने रोग व किडींचे नियंत्रण करावे व अन्नद्रव्ये पुरवठा करून फुल, फळगळ नियंत्रित करावी. • फळांची काढणी योग्य वेळी केल्यास नवीन फुलांच्या निर्मितीसाठी व उपलब्ध फुलांच्या योग्य वाढीसाठी मदत मिळते. संदर्भ – अॅग्रोस्टार अॅग्रोनॉमी सेंटर ऑफ एक्सिलेंस जर आपल्याला ही माहिती उपयुक्त वाटली, तर फोटोखाली दिलेल्या पिवळया अंगठयाच्या चिन्हावर क्लिक करा आणि खाली दिलेल्या पर्यायच्या माध्यमातून आपल्या सर्व शेतकरी मित्रांसोबत शेयर करा!
515
3