Looking for our company website?  
AgroStar Krishi Gyaan
Pune, Maharashtra
17 Aug 19, 06:30 PM
जैविक शेतीअॅग्रोस्टार अॅग्रोनॉमी सेंटर ऑफ एक्सीलेंस
सोयाबीन पिकातील एकात्मिक कीड व्यवस्थापन
सोयाबीन पिकावर विविध प्रकारच्या किडींचा प्रादुर्भाव होत असतो. यामध्ये पाने गुंडाळणारी अळी, पाने खाणारी अळी, तंबाखूची पाने खाणारी अळी-स्पोडोप्टेरा लिट्युरा, चक्री भुंगेरे इत्यादी प्रामुख्याने सोयाबीन पिकात मोठ्या प्रमाणात आढळून येतात. सर्व समावेशक कीड नियंत्रण प्रणाली म्हणजेच एकात्मिक कीड व्यवस्थापन पध्दतीचा वापर केल्यास कमी खर्चात, कीड नियंत्रण होऊ शकते. • ऊन्हाळ्यात शेतीची खोल नांगरट केल्याने जमिनीतील किडींच्या सुप्त अवस्थांचा, कोषांवस्थेचा नाश होतो. त्याचबरोबर बुरशीजन्य रोगांच्या बुरशीचा, बिजाणूंचादेखील नाश होतो. • सोयाबीन पेरणी करताना एकरी १००-२०० ग्रॅम ज्वारी पेरावी त्यामुळे नैसर्गिक पक्षी थांबे शेतीमध्येच तयार होतील. • सोयाबीन पिकाला नत्र युक्त खतांचा संतुलित वापर करावा. सोयाबीन पीक द्वीदलवर्गीय असल्याने नत्रखताची अल्प आवश्यकता असते. • शेतीच्या सभोवताली एरंडी पिकाच्या ओळी सापळा पीक म्हणेन लावाव्यात यामुळे स्पोडोप्टेराच्या अळीच्या नियंत्रणास मदत होइल. • सोयाबीन पीक उगविल्यानंतर १० -१५ दिवसात कामगंध (फ़ेरोमोन) सापळ्याचे नियोजन एकरी ४ या प्रमाणात स्पोडोल्युर सह करावे. • सापळ्यात प्रौढ पतंग अडकताना दिसू लागताच ५% निंबोळी अर्काची फ़वारणी सोयाबीन पिकात घ्यावी. आवश्यकता पडल्यास पुन्हा १० दिवसांच्या अंतराने पुन्हा एक फ़वारणी घ्यावी. • सोयाबीनच्या पेरणीनंतर २०-२५ दिवसांत "T" आकाराचे काठीचे पक्षीथांबे एकरी २५-३० या प्रमाणात उभे करावेत. यामुळे पक्ष्यांना शेतीमध्ये बसून किडींचे नैसर्गिक पध्दतीने नियंत्रण करतात. • सोयाबीन वरिल विविध अळ्यांच्या जैविक नियंत्रणासाठी कीटकपरोपजीवी बुरशींपासून तयार केलेल्या कीडनाशकांची जसे बिव्हेरीया बॅसियाना किंवा न्युमोरीया रिले यांची फ़वारणी घ्यावी. संदर्भ - श्री.तुषार उगले,कीटकशास्त्रज्ञ
जर आपल्याला ही माहिती उपयुक्त वाटली, तर फोटोखाली दिलेल्या पिवळया अंगठयाच्या चिन्हावर क्लिक करा आणि खाली दिलेल्या पर्यायच्या माध्यमातून आपल्या सर्व शेतकरी मित्रांसोबत शेयर करा!
279
8