Looking for our company website?  
AgroStar Krishi Gyaan
Pune, Maharashtra
02 Dec 19, 01:00 PM
कृषी वार्ताआउटलुक अॅग्रीकल्चर
सेंद्रीय शेती करणार्‍या महिला शेतकर्‍यांना केंद्र सरकार मदत करेल
सेंद्रीय शेती करणार्‍या महिलांच्या उत्पादनांना ग्राहकांपर्यंत पोचण्यासाठी प्रोत्साहित करण्यासाठी केंद्र सरकारच्या दोन मंत्रालयांनी सामंजस्य करार केले आहे. महिला व बालविकास मंत्री स्मृती इराणी आणि अन्न प्रक्रिया उद्योग मंत्री हरसिमरत कौर बादल यांच्या उपस्थितीत सामंजस्य करार झाला.
त्यानुसार, अन्न प्रक्रिया मंत्रालयांतर्गत गठित राष्ट्रीय अन्न तंत्रज्ञान आणि उद्योजकता व्यवस्थापन संस्था महिला उद्योजकांसाठी राष्ट्रीय सेंद्रिय जत्रा आयोजित करेल, तर महिला व बाल विकास मंत्रालय हा खर्च उचलेल. नॅशनल इन्स्टिट्यूट ऑफ फूड टेक्नॉलॉजी एंटरप्रेन्योरशिप अँड मॅनेजमेन्ट (निफ्टम) कुंडली (सोनीपत, हरियाणा) वार्षिक उत्सव आयोजित करणार असल्याचे दोन्ही मंत्रालयांनी मान्य केले. ही संस्था अन्न प्रक्रिया मंत्रालयाच्या अंतर्गत एक शैक्षणिक संस्था आहे. महिला व बालविकास मंत्रालय हा कार्यक्रम आयोजित करण्यासाठी निफ्टचे कुलगुरूंना निधी देईल. आर्थिक वर्षाच्या अखेरीस ही संस्था मंत्रालयाला उपयोगिता प्रमाणपत्र देईल. या मेळाव्याचे उद्दीष्ट म्हणजे सेंद्रिय खाद्यपदार्थ व इतर सेंद्रिय उत्पादनांशी संबंधित उद्योग व शेतकरी एकाच व्यासपीठावर आणणे. यामुळे देशातील सेंद्रिय अन्न उत्पादनांच्या प्रसाराला चालना मिळेल. संदर्भ - आउटलुक अॅग्रीकल्चर, 27 नोव्हेंबर 2019 जर आपल्याला ही माहिती उपयुक्त वाटली, तर फोटोखाली दिलेल्या पिवळया अंगठयाच्या चिन्हावर क्लिक करा आणि खाली दिलेल्या पर्यायच्या माध्यमातून आपल्या सर्व शेतकरी मित्रांसोबत शेयर करा!
144
1