AgroStar Krishi Gyaan
Pune, Maharashtra
02 Jan 20, 10:00 AM
ಗುರು ಜ್ಞಾನಅಗ್ರೋಸ್ಟಾರ್ ಅಗ್ರೋನೊಮಿ ಸೆಂಟರ್ ಆಫ್ ಎಕ್ಸೆಲೆನ್ಸ್
ಎಲೆಕೋಸು ಮತ್ತು ಹೂಕೋಸುಗಳಲ್ಲಿ ಸಸ್ಯ ಹೇನಿನ ಹತೋಟಿ
ಸಾಮಾನ್ಯವಾಗಿ, ರೈತರು ವರ್ಷಪೂರ್ತಿ ಎಲೆಕೋಸು ಮತ್ತು ಹೂಕೋಸು ಬೆಳೆಗಳನ್ನು ಬೆಳೆಯುತ್ತಿದ್ದಾರೆ. ಸಸ್ಯ ಹೇನು ಮತ್ತು ವಜ್ರ ಬೆನ್ನಿನ ಪತಂಗ ಈ ಬೆಳೆಗಳಿಗೆ ಹಾನಿಯನ್ನುಂಟು ಮಾಡುವ ಕೀಟಪೀಡೆಗಳಾಗಿವೆ. ಸ್ಥಳಾಂತರ ನಾಟಿ ಮಾಡುವ ಅವಧಿಯಲ್ಲಿಯೇ ಸರಿಯಾದ ಹತೋಟಿ ಕ್ರಮಗಳನ್ನು ಅನುಸರಿಸುವ ಮೂಲಕ ಕೀಟಪೀಡೆಗಳನ್ನು ನಿರ್ವಹಣೆ ಮಾಡಬಹುದು. • ಸಸ್ಯ ಹೇನುಗಳು ಎಲೆಗಳು ಮತ್ತು ಹೂವಿನಿಂದ ರಸವನ್ನು ಹೀರುತ್ತವೆ. ಹೆಚ್ಚಿನ ಬಾಧೆಯಿಂದಾಗಿ, ಕಪ್ಪಾದ ಶಿಲಿಂದ್ರಗಳ ಬೆಳವಣಿಗೆಯಿಂದಾಗಿ ಸಸ್ಯಗಳ ದ್ಯುತಿಸಂಶ್ಲೇಷಣೆ ಕ್ರಿಯೆಯನ್ನು ಅಡ್ಡಿಪಡಿಸುತ್ತದೆ. ಎಲೆಗಳು ಸುಕ್ಕುಗಟ್ಟುತ್ತವೆ ಮತ್ತು ವಿರೂಪಗೊಳ್ಳುತ್ತವೆ. ಅಂತಿಮವಾಗಿ, ಗುಣಮಟ್ಟ, ಉತ್ಪಾದನೆ ಮತ್ತು ಮಾರುಕಟ್ಟೆ ಬೆಲೆಗಳ ಪರಿಣಾಮ ಬೀರುತ್ತದೆ. • ಅಕ್ಟೋಬರ ಮೊದಲ ವಾರದಿಂದ ಅಕ್ಟೋಬರ್ ಕೊನೆಯ ವರೆಗೆ ಬಿತ್ತನೆ ಮಾಡಿದ ಬೆಳೆಯಲ್ಲಿ ಸಸ್ಯ ಹೇನಿನ ಸಂಖ್ಯೆ ಕಡಿಮೆಯಾಗುತ್ತದೆ.
• ಕೊನೆಯಲ್ಲಿ ಬಿತ್ತನೆ ಮಾಡಿದ ಬೆಳೆಯಲ್ಲಿ ಹೆಚ್ಚಿನ ಸಂಖ್ಯೆಯ ಬಾಧೆ ಕಂಡುಬರುತ್ತದೆ. • ತಾಪಮಾನ ಮತ್ತು ತೇವಾಂಶ ಹೆಚ್ಚಾದಂತೆ ಸಸ್ಯ ಹೇನಿನ ಸಂಖ್ಯೆಯು ಹೆಚ್ಚಾಗುತ್ತದೆ, • ಸಸ್ಯ ಹೇನಿನ ಸಮೀಕ್ಷೆ ಮತ್ತು ನಿರ್ವಹಣೆಗಾಗಿ ಪ್ರತಿ ಎಕರೆಗೆ 10 ಹಳದಿ ಜಿಗುಟಾದ ಬಲೆಗಳನ್ನು ಸ್ಥಾಪಿಸಿ. • ಸಸ್ಯ ಹೇನನ್ನು ತಿನ್ನುವ ಗುಲಗಂಜಿ ದುಂಬಿಗಳ ಸಂಖ್ಯೆಯು ಹೆಚ್ಚಿದಾಗ ಕೀಟಗಳ ಮೇಲೆ ಕೀಟನಾಶಕಗಳ ಬಳಕೆಯನ್ನು ತಪ್ಪಿಸಿ. • ರಾಸಾಯನಿಕ ಕೀಟನಾಶಕಗಳ ಬದಲಿಗೆ, ಬೇವಿನ ಬೀಜದ ಪುಡಿ @ 500 ಗ್ರಾಂ (5% ) ಅಥವಾ ಬೇವಿನ ಆಧಾರಿತ ಸೂತ್ರೀಕರಣವನ್ನು 10 ಲೀಟರ್ ನೀರಿಗೆ 20 ಮಿಲಿ ಸಿಂಪಡಿಸಿ. • ಸಸ್ಯ ಹೇನಿನ ನಿರ್ವಹಣೆಗೆ ಜೈವಿಕ ಕೀಟನಾಶಕಗಳ ಪ್ರಯೋಜನಗಳನ್ನು ತೆಗೆದುಕೊಳ್ಳಲು, ಶಿಲೀಂಧ್ರ ಆಧಾರಿತ ಕೀಟನಾಶಕ , ವರ್ಟಿಸಿಲಿಯಮ್ ಲೆಕಾನಿ ಅಥವಾ ಬೌವೇರಿಯಾ ಬಸಿಯಾನಾ 10 ಲೀಟರ್ ನೀರಿಗೆ 40 ಗ್ರಾಂ ಬೇರೆಸಿ ಸಿಂಪಡಿಸಿ. • ಸಸ್ಯ ಹೇನಿನ ಬಾಧೆ ಉಂಟಾದರೆ, ಅಸೆಟಾಮಿಪ್ರಿಡ್ 20 ಎಸ್‌ಪಿ @ 3 ಗ್ರಾಂ ಅಥವಾ ಸಿಂಟ್ರಾನಿಲಿಪ್ರೊಲ್ 10 ಒಡಿ @ 3 ಎಂಎಲ್ ಅಥವಾ ಡಿಫೆನಾಂಥುರಾನ್ 50 ಡಬ್ಲ್ಯೂಪಿ @ 10 ಗ್ರಾಂ 10 ಲೀಟರ್ ನೀರಿಗೆ ಬೇರೆಸಿ ಸಿಂಪಡಿಸಿ. ಮೂಲ- ಅಗೋಸ್ಟಾರ್ ಅಗ್ರೋನೊಮಿ ಸೆಂಟರ್ ಆಫ್ ಎಕ್ಸಲೆನ್ಸ್ ಈ ಮಾಹಿತಿಯು ನಿಮಗೆ ಸಹಾಯಕವಾಗಿದ್ದರೆ, ಫೋಟೋ ಕೆಳಗಿನ ಹಳದಿ ಹೆಬ್ಬರಳಿನ ಗುರುತನ್ನು ಕ್ಲಿಕ್ ಮಾಡಿ ಮತ್ತು ಅದನ್ನು ನಿಮ್ಮ ಎಲ್ಲಾ ರೈತ ಸ್ನೇಹಿತರೊಂದಿಗೆ ಕೆಳಗಿನ ಆಯ್ಕೆಯ ಮೂಲಕ ಹಂಚಿಕೊಳ್ಳಿ.
97
6