AgroStar Krishi Gyaan
Pune, Maharashtra
12 Mar 20, 10:00 AM
ગુરુ જ્ઞાનએગ્રોસ્ટાર એગ્રોનોમી સેન્ટર ઓફ એક્સિલેન્સ
ઉનાળુ તરબૂચ અને સક્કરટેટીમાં ફળમાખીનું નુકસાન અને વ્યવસ્થાપન
• માદા કીટક વિકસતા નાના-મોટા ફળોની છાલમાં પોતાનાં ઈંડા મૂકે છે. • ઈંડા માંથી નીકળતો પીળાશ પડતો સફેદ રંગનો કીડો ફળનો ગર્ભ ખાય છે. • નુકસાનવાળા નાના ફળો ઉપર ખરી પડે છે. • મોટા ફળમાં કોહવારો લાગુ પડતા ફળો ખરી પડે છે. • ફળનો આકાર પણ બેડોળ થઇ જતો હોય છે. • ઈંડા મૂકેલ જગ્યાએથી ફળમાંથી રસ ઝરે છે. આ ઝરણ જામી જતા બદામી રંગના ગુંદર જેવું દેખાય છે, જેને ખેડૂતો “ટુવા” તરીકે ઓળખે છે.
• ગુણવત્તા બગડવાથી ખેડૂતોને આવાં ફળોના બજારભાવ મળતા નથી. • કાળજી ન રાખવામાં આવે તો સો ટકા જેટલું નુકસાન થઇ શકે છે. • ફળમાખી ગરમ વાતાવરણમાં વધુ સક્રિય રહે છે. • નુકસાન પામેલા, ખરી પડેલા અને “ટુવા” પડેલાં ફળો નિયમિત રીતે વીણી જમીનમાં દાટી દેવા. • વાડીની ચોખ્ખાઈ રાખવી. • વાડીની ચારે બાજુ મકાઇની એક-બે હરોળ વાવવી અને તેના ઉપર દવાનો છંટકાવ કરતા રહેવું • પુખ્ત ફળમાખીના નિયંત્રણ માટે ૪૫૦ ગ્રામ ગોળને ૧૦ લિટર પાણીમાં ઓગાળી તેને ૨૪ કલાક મૂકી રાખવું. ત્યારબાદ તેમાં ડાયકલોરોવોસ ૭૬% ઇસી ૫ મિલિ ઉમેરી ફૂલ આવવાની શરૂઆત થાય ત્યારથી દર અઠવાડીએ એક વાર મોટા ફોરે વેલા પર પડે તેમ છાંટવી. • ફળમાખીના નરને આકર્ષીને મારી નાખવા માટે ફૂલ આવવાની શરૂઆત થાય ત્યારે “ક્યુ લ્યુર” યુક્ત “ફળમાખી પિંજર” એકરે ૮-૧૦ ની સંખ્યામાં પાકથી આશરે એક મીટર જેટલી ઉંચાઈએ લટકાવવા. • પિંજર (ટ્રેપ્સ) માં પકડાયેલ ફળમાખીઓ અઠવાડિયામાં બે વાર ખાલી કરવા. • આવા ટ્રેપ્સ પાકની અવધિ સુધી અસરકારક રહેતા હોવાથી ફરી બદલવા નહિ. • ટ્રેપ્સને વાડીમાં એક બીજાથી સરખા અંતરે રહે તે પ્રમાણે લગાવવા. • જો લાકડીના ડંડા ઉપર લગાવ્યા હોય તો ડંડા ઉધઇથી નુકસાન ન થાય તેની કાળજી રાખવી. • હવા કે પવનથી લગાવેલ ટ્રેપ્સ ખૂબ ઝુલતા ન હોય તે રીતે લગાવવા. વિડીયો સંદર્ભ: vaibhav jamma MACL SOLAPUR સંદર્ભ: એગ્રોસ્ટાર એગ્રોનોમી સેન્ટર ઓફ એક્સીલેન્સ આ ઉપયોગી માહિતી ને લાઈક કરો અને અન્ય ખેડૂત મિત્રો સાથે શેર કરો.
307
47