AgroStar Krishi Gyaan
Pune, Maharashtra
08 Mar 20, 01:00 PM
કૃષિ વાર્તાઆઉટલુક એગ્રીકલ્ચર
ફેબ્રુઆરીના અંત સુધીમાં 27.50 લાખ ગાંસડી કપાસની થઇ નિકાસ
1 ઓક્ટોબર 2019 થી શરૂ થયેલી ચાલુ સીઝનમાં 29 ફેબ્રુઆરી સુધી 27.50 લાખ ગાંસડી (એક ગાંસડી -170 કિલો) ની નિકાસ કરવામાં આવી છે, જ્યારે આ સમયગાળા દરમિયાન કપાસની 12 લાખ ગાંસડીની આયાત પણ કરવામાં આવી છે. નવી કપાસની સીઝનમાં 1 ઓક્ટોબર, 2020 થી શરૂ થનારો બાકી સ્ટોક વધીને 38.50 લાખ ગાંસડી થવાની ધારણા છે, જે ચાલુ સીઝનની 32 લાખ ગાંસડીથી વધુ છે. કોટન એસોસિએશન ઑફ ઈન્ડિયા (સીએઆઈ) એ ચાલુ સીઝન માટે કપાસના ઉત્પાદનનો અંદાજ 354.50 લાખ ગાંસડી પર સ્થિર રાખ્યો છે, જ્યારે હાલની સીઝનમાં પ્રથમ ઓક્ટોબર 2019 થી ફેબ્રુઆરીના અંત સુધીમાં, ઉત્પાદક બજારોમાં કપાસની આવક 254.43 લાખ ગાંસડી આવી છે. ગયા વર્ષે કપાસમાં 312 લાખ ગાંસડીનું ઉત્પાદન થયું હતું. ચાલુ સીઝનમાં ઉત્તર રાજ્યો પંજાબ, હરિયાણા અને રાજસ્થાનમાં કપાસનું ઉત્પાદન 61 લાખ ગાંસડી હોવાનો અંદાજ છે. તે જ રીતે, મધ્ય ભારત ના રાજ્યો ગુજરાત, મહારાષ્ટ્ર અને મધ્યપ્રદેશમાં 197 લાખ ગાંસડીનું ઉત્પાદન થવાનો અંદાજ છે. દક્ષિણ ભારત, તેલંગાણા, આંધ્રપ્રદેશ, કર્ણાટક અને તમિલનાડુ રાજ્યોમાં 91.50 લાખ ગાંસડીનું ઉત્પાદનનો અંદાજ છે. સંદર્ભ- આઉટલુક એગ્રીકલ્ચર, 6 માર્ચ 2020 આ ઉપયોગી માહિતી ને લાઈક કરો અને અન્ય ખેડૂત મિત્રો સાથે શેર કરો.
70
8